Fréttir

Húnavallaskóli verður settur fimmtudaginn 24. ágúst kl. 14:00. Kennsla hefst samkvæmt stundaskrá föstudaginn 25. ágúst.  Skóladagatal 2017 - 2018  Kveðja, skólastjóri

Húnavallaskóla verður slitið við hátíðlega athöfn föstudaginn 26. maí kl. 14:00. Allir vinir og velunnarar skólans eru velkomnir.  Kveðja, skólastjóri

 Í gær fór fram Kjördæmismót í skólaskák á Norðurlandi í Húsi frítímans á Sauðárkróki. Elvar Már Valsson í Húnavallaskóla varð sigurvegari með fjóra vinninga af fjórum mögulegum og í öðru sæti varð Ester María Eiríksdóttir í Grunnskólanum austan Vatna með þrjá vinninga en hún varð jafnframt efst í eldri flokki.  Unnu þau sér þátttökurétt á Landsmóti í skólaskák. Í þriðja sæti varð Auður Ragna Þorbjarnardóttir með tvo vinninga, Mikael Máni Jónsson varð í fjórða sæti með einn vinning og loks Björn Jökull Bjarkason í fimmta sæti. Þau eru öll nemendur í Grunnskólanum austan Vatna. Tekið af http://www.feykir.is/is 4. apríl 2017

Framsagnarkeppni grunnskólanna í Húnavatnsþingi var haldin, þriðjudaginn 7. mars og sá Grunnskóli Húnaþings vestra  um lokahátíðina að þessu sinni. Keppnin er tileinkuð Grími heitnum Gíslasyni, fréttaritara og fyrrum bónda frá Saurbæ í Vatnsdal. Markmið keppninnar er að glæða tilfinningu og metnað húnvetnskra grunnskólanema fyrir íslensku máli og framsögn. Að þessu sinni fóru tveir keppendur frá Húnavallaskóla en ekki þrír þar sem að aðeins tveir nemendur eru í 7. bekk. þau Einar Pétursson og Iðunn Eik Sverrisdóttir. Dómarar voru Þorleifur Hauksson, Sigrún Grímsdóttir og Sigrún Einarsdóttir. Keppendur lásu brot úr sögunni Bláa hnettinum eftir Andra Snæ Magnason, ljóð eftir Steinunni Sigurðardóttur og ljóð að eigin vali. Úrslit urðu þessi: 1.      Iðunn Eik Sverrisdóttir Húnavallaskóla 2.      Isaiah Davíð Þuríðarson Jacob Blönduskóla 3.      Ásdís Aþena Magnúsdóttir Grunnskóla Húnaþings vestra Keppendur stóðu sig allir mjög vel og ekki auðvelt að dæma. Því var að þessu sinni veitt aukaverðlaun fyrir góða frammistöðu og þau hlaut Embla Sif Ingadóttir Höfðaskóla. Raddir, samtök um vandaðan upplestur og framsögn veittu peningaverðlaun fyrir fyrstu 3 sætin. Allir keppendurnir fengu síðan tvenn bókaverðlaun. Að lokum var farandskjöldur afhentur en skjöldurinn var gefinn af sjóði sem stofnaður var til heiðurs Grími Gíslasyni. Sá skóli sem hlýtur 1. sætið varðveitir skjöldinn fram að næstu keppni og kom það í hlut Húnavallaskóla að þessu sinni. Myndir frá hátíðinni

Nú er komið að hinu árlega stórbingói 9. bekkjar Húnavallaskóla.  Það verður haldið næstkomandi föstudag, þann 3. mars.  Húsið opnar kl. 19:30 og bingóið hefst kl. 20:00.  Eftir bingóið verður diskótek til kl. 00:30. Á bingóinu verður fullt af flottum og veglegum vinningum. Tombólan verður auðvitað á sínum stað, þannig að allir fá eitthvað!! Það verða ENGIN NÚLL!!  Miðaverð  16 ára og eldri 2500 kr.  7 – 15 ára 1000 kr.  Ókeypis fyrir börn 6 ára og yngri.  Aukaspjöld kosta 300 kr.  Að bingóinu loknu mun verða glæsilegt kaffihlaðborð sem er innifalið í aðgangseyrinum.   Allir að mæta og skemmta sér ótrúlega vel !  Munið eftir góða skapinu  Ath. ekki er tekið við greiðslukortum  9. bekkur Húnavallaskóla 

Fræðslufundur fyrir foreldra/forráðamenn um læsi barna Fundurinn verður haldinn: fimmtudaginn 9. febrúar kl. 17.30-18.30 í Blönduskóla.  Læsisráðgjafar Menntamálastofnunar munu sjá um fræðsluna. Foreldrar/forráðamenn eru hvattir til að koma og eiga notalega stund á fræðslufundinum. Heitt á könnunni.

Litlu jólin verða 20. desember þá mæta allir nemendur í skólann kl. 10:00 með skólabílum. Skemmtiatriði hefjast klukkan 13:30 og eru foreldrar, nánustu ættingjar sem og aðrir velunnarar skólans velkomnir. Nemendur í 1.- 6. bekk fara heim með skólabílum eða foreldrum að lokinni dagskrá eða um kl. 15:30. Jólasamvera fyrir 7.-10. bekk stendur til klukkan 20.00. Kennsla hefst að loknu jólafríi miðvikudaginn 4. janúar samkvæmt stundaskrá.