Smitvarnir í leik- og grunnskóla

Í ljósi þess að aðgerðastjórn almannavarna hefur fært hættustigi yfir á neyðarstig á landinu öllu vil ég skerpa aðeins á sóttvörnum sem lúta að skólastarfi.

  • Áfram er áhersla lögð á handþvott og sprittun allra í skólasamfélaginu.

  • Nemendur, kennarar og annað starfsfólk sem finna fyrir þeim einkennum sem tengja má við covid 19 komi ekki í skólann. 

  • Aukin áhersla lögð á sótthreinsun og þrif á yfirborðsflötum sem margir snerta.

  • Matur skammtaður í mötuneyti. Snertifletir í matsal sótthreinsað á milli hópa.

  • Gestakomur takmarkaðar eins og hægt er. Þeir sem þurfa að koma fari eftir verklagsreglum um sóttvarnir.

  • Tryggð sé góð loftræsting. 

  • Skólabílstjórar sótthreinsa snertifleti milli ferða.

Sóttvarnaráætlun er í stöðugri endurskoðun og látum við ykkur vita jafnóðum um breytingar sem hugsanlega verða á næstunni. 

Einnig hvet ég til að íbúar sveitarfélagsins takmarki eins og kostur er öll ferðalög á höfuðborgarsvæðið og önnur þau svæði sem talin eru útsett fyrir smitum. 

Hugum vel að persónulegum sóttvörnum.

Við erum öll almannavarnir.

Kveðja skólastjóri